Eaststellingwerf
Gemeente Eaststellingwerf
|
|||||||
|---|---|---|---|---|---|---|---|
 |
|||||||
| Provinsje | Fryslân | ||||||
| Boargemaster | Harry Oosterman | ||||||
| Haadplak | Easterwâlde | ||||||
| Gebiet - wetter |
226,64 km² - 1,32 km² |
||||||
| Ynwenners | 26.288 | ||||||
| Ferkearsieren | N381, N351, N380 | ||||||
| Netnûmer | 0516 | ||||||
| Postkoades | 8421 - 8435 | ||||||
| Offisjele webstee | www.ooststellingwerf.nl | ||||||
Eaststellingwerf (Ooststellingwerf) is in gemeente yn it súdeasten fan Fryslân, mei 26.288 ynwenners (1 jannewaris 2009), en mei in gebiet fan 226,64 km², wêrfan 1,32 km² wetter.
Eaststellingwerf foarmet tegearre mei Weststellingwerf de Stellingwerven. De gemeente leit oan de grins mei Drinte; op dizze grins leit it nasjonaal park it Drintsk-Fryske Wâld, dêr't grutte bosken lizze en in sânferstowing, dy't it Aekingersân of de Keale Duinen neamd wurdt. It heechste punt yn de gemeente is de op 26,6 m lizzende top van de Boskberch, ek flakby Appelskea. Oan de eastkant fan de gemeente, tusken Appelskea en Feanhuzen leit it Fochtelerfean. De rivieren de Lende en de Tsjonger ûntspringe yn dizze gemeente.
Ynhâld |
[bewurkje seksje] Skiednis
Yn 1328 skieden de Stellingwerven, en dus ek it gebiet dat hjoed de dei Eaststellingwerf foarmet, harren ôf fan Drinte dat op dat stuit ûnder it bewâld fan de bisskop fan Utert stiet. Sûnt dan foarmet it gebiet in eigen autonoom gebiet dat bewâlde wurdt troch stellingen, wat de namme foar it gebiet ek ferklearret. Yn 1498 komt it gebiet yn hannen fan Albrecht fan Saksen, dy't it gebiet yn 1504 by Fryslân yndield. De Stellingwerven waarden sadwaande ien fan de Fryske gritenijen. Yn 1517 folget de splissing tusken East- en Weststellingwerf en ûntstiet it gebiet sa't dat der no is.
It gebiet foarme lange tiid in buffer foar fijannen dy't Fryslân ynlûke woenen. By Aldeberkeap, de Bekhofskâns, en by Donkerbroek, de Breeberchskâns, waarden fortifikaasjes makke. Tegearre mei ferskate ynundaasjes hawwe de forten der ûnder oare ta laat dat Bommen Berend it gebiet net ynlûke koe.
Yn de 18e ieu kaam de feantsjerij opsetten yn it gebiet. Nije feankoloniale doarpen ûntstienen wêr't it libben min wie. Under dizze omstannigens ûntstie in gebiet wêr't it sosjalisme in soad oanhingers hie.
Hjoed de dei is Easterwâlde it haadplak fan de gemeente. Mar yn it ferline binne ek Makkingea en Aldeberkeap haadplak fan it gebiet west. Sûnt 1885 is Easterwâlde definityf it haadplak fan de gemeente wurden.
[bewurkje seksje] Plakken
It haadplak is Easterwâlde (Makkinga, 1812 - 1855 Aldeberkeap, 1855 - 1886 Makkinga) en de oare plakken yn de gemeente binne: Aldeberkeap, Appelskea, Donkerbroek, Elslo, De Fochtel, De Haule, Haulerwyk, Langedike, Makkingea, Nijeberkeap, Ravenswâld en Waskemar.
[bewurkje seksje] Polityk
De gemeenterie fan Eaststellingwerf bestiet út 21 sitten. De Partij fan de Arbeid hat lange tiid de grutste partij fan Eaststellingwerf west, mar sûnt de gemeenteriedsferkiezings fan 2010 is de lokale partij EaststellingwerfskBelang de grutste. It kolleezje wurdt sûnt 2010 foarme troch it EaststellingwerfskBelang, it CDA en de VVD. Hjirûnder stiet de gearstalling fan de gemeenterie sûnt 1998.
| Gemeenteriedssiten | |||||||||||||||
|---|---|---|---|---|---|---|---|---|---|---|---|---|---|---|---|
| Partij | 1998 | 2002 | 2006 | 2010 | |||||||||||
| PvdA | 8 | 7 | 8 | 5 | |||||||||||
| CDA | 5 | 6 | 4 | 4 | |||||||||||
| VVD | 4 | 4 | 3 | 2 | |||||||||||
| EaststellingwerfskBelang | - | - | 4 | 7 | |||||||||||
| GrienLinks | 2 | 2 | 1 | 1 | |||||||||||
| KristenUny | 1 | 1 | 1 | 1 | |||||||||||
| D66 | 1 | 1 | - | 1 | |||||||||||
| Totaal | 21 | 21 | 21 | 21 | |||||||||||
[bewurkje seksje] Kolleezje fan Boargemaster en Wethâlders
- Boargemaster: Harry Oosterman (CDA)
- Wethâlders:
- Engbert van Esch (CDA)
- Sierd de Boer (EaststellingwerfskBelang)
- Jan Henk Veenhouwer (VVD)
[bewurkje seksje] Media yn Eaststellingwerf
Kranten
- De Nieuwe Ooststellingwerver (regionale krante, útjûn op woansdei)
Radio
- Omroep Odrie (lokale stjoerder)
[bewurkje seksje] Taal
Histoarysk sjoen makket Eaststellingwerf ûnderdiel út fan de Stellingwerven, mar it Stellingwerfsk is foar it meastepart al ferdreaun út it gebiet. De taal is benammen ferdreaun troch it Nederlânsk en it Frysk. Yn Eaststellingwerf hat likernôch 11% fan de minsken it Stellingwerfsk as memmetaal, wylst it Nederlânsk troch 44% en it Frysk troch 38% fan de minsken as memmetaal sprutsen wurdt.[1] It Frysk wurdt benammen yn it noardlike part fan de gemeente, boppe de Tsjonger sprutsen, yn de doarpen Haule, Haulerwyk, Waskemar en Dinkerbroek. Ek yn Makkingea en Aldeberkeap bestiet in treftige mienskip Friezen.
Yn Eaststellingwerf bestiet gjin gemeentlik belied makke op it mêd fan de Fryske taal.[2]
[bewurkje seksje] Untwikkeling ynwennertal
- 2003 - 26.760.
- 2004 - 26.681
- 2005 - 26.491
- 2006 - 26.125
- 2008 - 26.399
- 2009 - 26.288[3]
- 2010 - 26.239[4]
[bewurkje seksje] Sjoch ek
- Fryske doarpen
- Fryske gemeenten
- List fan grytmannen fan Eaststellingwerf
- List fan boargemasters fan Eaststellingwerf
| Boarnen, noaten en/as referinsjes: |
|
| Gemeenten yn de Provinsje Fryslân |  |
|---|---|
| Achtkarspelen | It Amelân | It Bilt | Boarnsterhim | Dantumadiel | Dongeradiel | Eaststellingwerf | Ferwerderadiel | Flylân | Frjentsjerteradiel | Gaasterlân-Sleat | Harns | It Hearrenfean | Kollumerlân en Nijkrúslân | Lemsterlân | Littenseradiel | Ljouwert | Ljouwerteradiel | Menameradiel | Opsterlân | Skarsterlân | Skiermûntseach | Skylge | Smellingerlân | Súdwest-Fryslân | Tytsjerksteradiel | Weststellingwerf |
|
| wizigje | |
Moderowany Katalog Stron casino roulette hosting peruki Sklep komputerowy