Reedriden

Reedrider op de iisbaan Oerterp (jannewaris 2009)

It reedriden is it op redens foarútkomme oer it iis. Dat iis kin natueriis wêze, mar ek keunstiis. Mei roltsjeredens kin ek riden wurden dêr't gjin iis is.

It reedriden wurdt sawol as frijetiidbesteging as as wedstriidsport dien. Fral yn winters mei iis wurdt der in protte riden op fearten en marren, mar der kin ek op iisbanen riden wurde. Sa gau it iis betrouber is en de omstannichheden goed binne, wurde der troch iisklups en iiswegensintrales toertochten organisearre. As wedstriidsport binne der by it reedriden ferskate dissiplines.

Baanriden

By it baanriden besiket eltse dielnimmer apart sa hurd mooglik in ôfstân te riden. Om't dielnimmers elts in eigen baan hawwe spilet taktyk net in grutte rol.

• Koartebaan
• Langebaan
  • Koarte ôfstân
  • Lange ôfstân
  • Oer-alles

Groepstart

By de groepstart-dissiplines begjinne alle dielnimmers tagelyk en tegearre, en besiket eltsenien om foar de oaren oan te kommen. De faasje is hjir net it doel, mar it middel om de oaren foarút te kommen.

• Shorttrack
• Maratonriden
• Alvestêdetocht

Sierriden

By it sierriden is net de faasje it doel, mar de bewegings. In sjuery beoardielt de styl fan riden fan de dielnimmers.

• Iisdûnsjen
• Keunstriden
• Pronkriden

Oare iissporten

Der binne ek oare sporten op redens. Om't it riden dêr mar it middel is, wurde dy meast net ta it reedriden rekkene:

• Iishockey
• Iissilen

Sjoch ek

• List mei reedriderstochten yn Fryslân