Romtefarder

In romtefarder is immen dy't nei de romte reizge is. Foar ús wrâld betsjut dat dat er yn in romteskip reizge hat. Romtefarders yn ferhalen komme ek wol mei oare middels yn de romte.

[bewurkje seksje] Wurden

Troch de konkurinsje tusken de romteprogrammen fan ferskate lannen binne der aparte wurden foar romtefarders út ferskate lannen:

[bewurkje seksje] Bekende romtefarders

Jûry Gagarin - De earste minsk yn 'e romte. Hy fleach op 12 april 1961 yn de Vostok 1 yin 1 oere 48 om de Ierde.
Jack Lousma - Amerikaansk romtefarder fan Fryske komôf. Yn 1973 siet Lousma 59 dagen yn Skylab.
Buzz Aldrin en Neil Armstrong - De earste twa minsken op de Moanne. Hja kamen op 20 july 1969 oan op de Moanne; Neil Armstrong wie de earste dy't syn skoech op it moanneoerflak sette.
Lodewijk van den Berg - Earste minsk fan Nederlânsk komôf yn de romte. Nasjonalisearre ta Amerikaan reizge er fan 29 april oant 6 maaie 1985 mei de Space Shuttle Challenger. It is mûglik dat er ek syn Nederlânske nasjonaliteit noch hie.
Wubbo Ockels - Earste minsk mei allinnich Nederlânske nasjonaliteit yn de romte. Fan 31 oktober oant en mei 6 novimber 1985 reizge er mei de Space Shuttle Challenger.
Dennis Tito - Earste priveeromtefarder. Reizge fan 28 april oant en mei 6 maaie 2002 mei in Russyske Soljûz nei it Ynternasjonale romtestasjon en wer werom, dêr't er tweintich miljoen dollar foar betelle.
Mike Melvill - Earste partikuliere romtefarder. Op 21 juny 2004 berikke er de romte mei in op en del flecht yn it partikulier-boude romteskip SpaceShipOne.